Jyldyń úzdik fýtbol tóreshileri anyqtaldy
NUR-SULTAN. QazAqparat – Halyqaralyq fýtbol tarıhy jáne statıstıkasy federatsııasy (IFFHS) 2019 jyldyń úzdik tóreshileri tizimin jarııalady, dep habarlaıdy QazAqparat federatsııanyń resmı saıtyna silteme jasap.
90 eldiń sarapshylary men tańdaýly jýrnalısteri 2019 jyldyń úzdik bapkerin anyqtady. Daýys berý nátıjesine oraı, slovenııalyq referı Damır Skomına 136 upaımen úzdik atandy. Tóreshi bıyl «Lıverpýl» jáne «Tottenhem» komandalary arasyndaǵy 2018/19 jylǵy maýsymdaǵy ÝEFA Chempıondar lıgasynyń fınalyn basqardy.
Ekinshi oryndy 129 upaı jınaǵan germanııalyq Felıks Brıh aldy, al úshinshi oryndaǵy nıderland ókili Born Kúıpers 61 upaı jınady.
Eýropalyq emes tóreshilerdiń arasynda argentınalyq Nestor Pıtana 38 upaımen úzdik boldy.
Jalpy tizimde 12-orynǵa turaqtaǵan Iran ókili Álıreza Faǵanı Azııanyń úzdik tóreshisi atandy. Azııanyń bes dúrkin úzdik tóreshisi bolǵan ózbekstandyq referı Ravshan Irmatovqa bıyl qurlyqta ekinshi, jalpy tizimde 17-oryn buıyrdy.
