Jyldyń úzdik dzıýdoshysy - Eldos Smetov
ASTANA. QazAqparat - Confederation.kz portaly otandyq BAQ ókilderi men mamandar arasynda 2014 jyldyń úzdik dzıýdoshysyn anyqtaý maqsatynda saýalnama júrgizgen bolatyn. Dástúrli saýalnamaǵa qatysýshylardyń tańdaýy boıynsha, HVІІ Jazǵy Azııa oıyndarynda qazaq dzıýdosynyń tarıhynda bolmaǵan altyn júldeni enshilep, tarıhı jeńiske qol jetkizgen Eldos Smetov mamandar men jýrnalıster tarapynan joǵary baǵa aldy, dep jazady sportnews.kz.
«Ázirge otandyq tatamı sheberleri arasynda qurlyq Olımpıadasynynyń altynyn alǵan jalǵyz Smetov qana. Táýelsiz el retinde Qazaqstan jazǵy Azııa oıyndaryna 1994 jyldan beri qatysatynyn eskersek, Eldostyń bul jetistiginiń baǵasy qanshalyqty ekenin esepteı berýge bolady», delingen maqalada. Confederation.kz portalynyń tańdaýy boıynsha «2014 jyldyń úzdik dzıýdoshysy» saýalnamasynyń nátıjesi: 1. Eldos Smetov - 48 daýys 2. Maksım Rakov - 2 daýys 3. Azamat Muqanov, Baýyrjan Jaýyntaev - 1 daýystan.
