«Jyldyń úzdik dárigeri» Astanada jumys isteıdi

Bıylǵy baıqaý da birneshe atalym boıynsha ótti. Onyń birin - «Úzdik dáriger» ataǵyn Astana qalasy týberkýlezge qarsy dıspanserdiń osteohırýrgııalyq bólimniń meńgerýshisi Ádilet Dúısembaev ıelendi. «Bolashaq» baǵdarlamasynyń túlegi óz qyzmetinde ınnovatsııalardy kóptep qoldanýǵa tyrysady. Búgin ol mınıstrdiń qolynan óz marapatyn alyp, halyqtyń zor qoshemetine bólendi. Budan basqa, «Úzdik menedjer», «Úzdik aýyl dárigeri», «Úzdik sanıtarlyq dáriger - epıdemıolog», «Úzdik provızor», «Úzdik meıirger», «Úzdik sarapshy», «Úzdik donor» jáne taǵy basqa atalymdar boıynsha jeńimpaz atanǵan mamandar marapattaldy. Aıta keteıik, búginde Qazaqstannyń densaýlyq salasynda 65 myńnan astam dáriger, 150 myń meıirger jáne 13 myńnan astam farmatsevt eńbek etedi. «Negizi, tek aq halatty abzal jandardyń eńbegi ǵana aman qalǵan adam ómiri degen naqty nátıjemen baǵalanady. Sizder árbir naýqastyń dertin jan-tánimen sezip, oǵan san alýan qıynshylyqtardy eńserýge kómektesesizder! Sizderdiń eńbekterińizge kóptegen azamattardyń taǵdyry baılanysty bolyp tur. Kásibı merekelerińiz qutty bolsyn!», - dedi S.Qaıyrbekova.

Aıta keteıik, Qazaqstanda Medıtsına qyzmetkerleri kúni ár jyl saıyn maýsymnyń úshinshi jeksenbisinde atap ótiledi. Bıyl ol mereke 16 maýsymǵa túsip tur.