Jyldyń úzdik ánshileri Billboard syılyǵymen marapattaldy
NUR-SULTAN. QazAqparat - «Billboard» amerıkalyq jýrnaly «Billboard Music Awards» syılyǵyn tapsyrý saltanatynda jyldyń úzdik ánshileriniń esimderin jarııalady, dep habarlaıdy QazAqparat.
Jobanyń basty «Úzdik ártis» atalymynda kanadalyq reper jáne prodıýser Drake (Obrı Dreık Grem) top jardy. Sonymen qatar Drake «Úzdik ánshi», «Úzdik rep-oryndaýshy», «Úzdik radıo ártisi», «Billboard 200 úzdik ártisi», «Hot 100 úzdik ártisi» jáne «Streaming Songs úzdik ártisi» atandy.
«Eń úzdik jas ánshi» atalymynda reper Juice WRLD (Jared Hıggıns) jeńiske jetti.
«Úzdik rok-oryndaýshy» nomınatsııasy boıynsha marapatqa amerıkandyq «Imagine Dragons» toby ıe boldy.
«Billboard Music Awards» jobasy tuńysh ret 1990 jyly ótkizilgen. Úzdik oryndaýshylardy marapattaıtyn shara AQSh-tyń «Grammy» jáne «American Music Awards» sııaqty eń iri jobalarynyń qatarynda.
Avtor: Á. Asqar
