Jyldyń sońynda «Daryn» syılyǵynyń ıegerleri anyqtalady - QR Bilim jáne ǵylym mınıstrligi
ASTANA. 24 qazan. QazAqparat - Jeltoqsannyń ortasynda «Daryn» jastar syılyǵynyń ıegerleri anyqtalady. Bul týraly búgin Astanadaǵy baspasóz máslıhatynda QR Bilim jáne ǵylym mınıstrliginiń resmı ókili Ásel Qapalova málim etti.
Aıta ketken jón, eki jylda bir ret QR Bilim jáne ǵylym mınıstrligi 1-27-si qazan aralyǵynda «Daryn» jastar syılyǵynyń konkýrsyn uıymdastyryp turady. Buǵan deıin atalǵan syılyqqa Olımpıada chempıondary Bahtııar Artaev, Olga Shıshıgına, Ilıa Ilın, qoǵam qaıretkeri Bekbolat Tileýhan, ánshi Erbolat Qudaıbergenov, Qydyráli Bolmanov, Nurlan Ónerbaev jáne taǵy basqa tanymal tulǵalar ıe bolǵan. «Daryn» syılyǵy ǵylym, ádebıet, jýrnalıstıka, sport, dızaın, estrada, klassıkalyq mýzyka, teatr jáne kıno salasyndaǵy jetistikter úshin taǵaıyndalady», - dep atap kórsetti A.Qapalova.
