Jyldyń sońǵy kúni el aýmaǵynda aýa raıy qandaı bolady

ASTANA. QazAqparat - Sınoptıkter 31 jeltoqsan, senbi kúni aýa raıy qandaı bolatynyn aıtty, dep habarlaıdy QazAqparat Qazgıdrometke silteme jasap.

El aýmaǵynyń basym bóligi áli de tsıklon men atmosferalyq fronttardyń yqpalynda bolady. Sondyqtan qar jaýady.

Ońtústikte, batysta – jaýyn-shashyn (jańbyr, qar), eldiń ońtústiginiń taýly aımaqtarda qatty jaýyn-shashyn (jańbyr, qar) jaýady.

Qazaqstannyń batysynda, ońtústiginde, ońtústik-shyǵysynda, ortalyǵynda tuman túsip, jel kúsheıedi, kóktaıǵaq bolady.

Eldiń soltústiginde, shyǵysynda jaıaý burqasyn soǵady.