Jyldyń kórnekti áıelderiniń tizimine Beıonse men Kım Kardashıan endi
ASTANA. QazAqparat - 2015 jyldyń eń kórnekti áıelderiniń tizimin aktrısa Emma Ýotson bastady, dep habarlady Rosbalt AskMen saıtyna silteme jasap.
Garrı Potter týraly fılmder juldyzy jáne BUU izgi nıet elshisi ekinshi jáne úshinshi oryndarǵa ıe bolǵan Ronda Roýzı men telejúrgizýshi Kım Kardashıan sııaqty básekelesterinen sýyrylyp alǵa shyqty.
Reıtıngige kınoındýstrııa, shoý-bıznes, sport, ǵylym jáne basqa da salalardaǵy 99 tanymal áıel kirdi. Top-paraǵyn erlerge arnalǵan ınternet-portaldyń redaktsııasy ártúrli salalardaǵy sarapshylarmen keńese otyryp jáne oqyrmandar saýaldamasy arqyly qurastyrǵan. Negizgi ólshem retinde redaktorlar "Qaı áıel bizdiń ómirimizge kúshti yqpal etedi?" degen suraqty alǵan.
Reıtınginiń tórtinshi jolynda ánshi Teılor Svıft, odan tómen - shańǵyshy Lındsı Vonn ornalasqan. Theranos kompanııasynyń basshysy jáne álemdegi áıelder arasyndaǵy eń jas mıllıarder Elızabet Holms reıtıngide altynshy orynǵa shyqty, odan keıin sýperjuldyz Beıonse keledi. Ondyqtyń sońǵy úshtigin quqyq qorǵaýshy jáne tanymal akterdiń zaıyby Amal Klýnı, aktrısa Djenıfer Loýrens jáne tennısshi Serena Ýılıams tuıyqtaǵan.
Reıtıngimen tolyǵyraq AskMen saıtynda tanysýǵa bolady.
Eń kórnekti áıelder tizimin ınternet-portal redaktsııasy tuńǵysh ret jasap otyr. Budan buryn AskMen jyl saıyn eń sulý áıelder tizimin daıyndap kelgen edi. Oqyrmandar 2014 jylǵy ǵalamshardyń eń sulý da tartymdy áıeli dep brıtandyq aktrısa Emılııa Klarktyń esimin atady.
