Jyldyń basynan beri Almaty polıtseıleri izdeýdegi 400-den astam qylmyskerdi ustady
ALMATY. Qyrkúıektiń 3-i. QazAqparat /Názıra Eleýhan/ - Jyldyń basynan beri Almaty polıtseıleri izdeýdegi 400-den asa qylmyskerdi ustady. Onyń 151-i aýyr jáne asa aýyr qylmys jasaǵandar,
dep habarlaıdy QazAqparat.
"Almaty polıtseıleri aımaqtyq jáne jaqyn sheteldik áriptestermen tyǵyz jumys isteıdi. Jyl basynan beri biz olardyń izdeýinde turǵan 244 qylmyskerdi ustaýǵa kómektestik. Mysalǵa, birneshe iri alaıaqtyq ister úshin Cheboksary qalasy polıtsııasynyń izdeýinde bolǵan 59 jastaǵy er adamdy ustap berdik", dedi Almaty qalasynyń ІІD-niń Krımınaldy polıtsııa basqarmasynyń izdeý bóliminiń basshysy, polıtsııa polkovnıgi Vadım Streltsov.
Onyń aıtýynsha, ol Qazaqstanda týǵandyqtan, onyń osynda bolýy múmkin degen boljam boldy. "Qazir júrgizilip jatqan tekserýden keıin ol Reseıge qaıtarylatyn bolady. Almaty iri qala bolǵandyqtan, kóptegen qylmyskerler osynda iz jasyrýǵa tyrysady. Degenmen, olardyń kópshiligi jasaǵan qylmystary úshin erte me - kesh pe, túbinde ustalyp jaýap beredi", dedi Vadım Streltsov.
