Jyldyń basynan beri 10 myńnan astam áıel júrgizýshi kýáligin aldy - HQKO
ASTANA. QazAqparat - 2016 jyldyń basynan beri 10 myńnan astam áıel Qazaqstannyń mamandandyrylǵan HQKO-larynda júrgizýshi kýálikterin aldy, dep habarlaıdy primeminister.kz.
«HQKO» RMK habarlamasynda, bul san jyl basynan jańa júrgizýshi kýálikterin alǵan jalpy avtomobılıster sanynyń 30%-yna jýyǵy ekendigi kórsetilgen. Barlyǵy 36 115 júrgizýshi kýáligi, onyń ishinde áıelderge - 10 776 júrgizýshi kýáligi berilgen.
«HQKO» RMK bas dırektory Ásemgúl Baltashevanyń aıtýyna qaraǵanda, júrgizýshi kýáligin alǵan avtomobıl áýesqoılarynyń sany jyl saıyn ósip keledi.
«2014 jyly, mysaly, qańtar jáne aqpan aılarynda mamandandyrylǵan HQKO-larda 15 myńnan astam qazaqstandyq júrgizýshi kýáligin aldy, olardyń ishinde 4 myńy - áıelder. 2015 jyldyń 2 aıyna - 27 myńnan astam, olardyń ishinde 8 myńnan astamy - áıelder. Bıyl da biz júrgizýshi kýálikterin berý qyzmetiniń ósýin baıqadyq», - dep ol.
Esterińizge salar bolsaq, elimizde 11 mamandandyrylǵan HQKO jumys isteıdi. Alǵashqy avtokólik quraldaryn tirkeý boıynsha mamandandyrylǵan halyqqa qyzmet kórsetý ortalyǵy Qaraǵandy qalasynda ashyldy, qazir Almaty, Astana, Aqtaý jáne Taraz qalalarynda bar.
