Jyldyń aıaǵynda barlyq avtopatrýlder planshet ustaıdy - ІІM
«Sonda jol qozǵalysy salasyndaǵy barlyq xattamalardy elektrondy nusqada toltyrýǵa bolady», - dedi I.Lepexa QazAqparat tilshisine bergen suxbatynda.
Onyń aıtýynsha, tártip saqshylarynyń bárin - ýchaskelik ınspektorlar, kámelettik jasqa tolmaǵandar boıynsha ınspektorlar jáne taǵy basqa ákimshilik xattama toltyratyn mamandardy tolyǵymen jasaqtaý úshin 23 myń planshet kerek.
«Ázirshe, planshetti Astana men oblys ortalyqtarynyń polıtseıleri ustap júr. Biraq ol qurylǵylardyń sany kóp emes, nebary 870 dana bar. Barlyǵyn jol-patrýldik qyzmetkerler ustaıdy. Qazir biz oblys ákimderimen tıisti jumysty pysyqtap jatyrmyz. Óıtkeni atalǵan sharalardy jergilikti bıýdjetten qarjylandyrady. Men oılaımyn, jyldyń aıaǵyna deıin barlyq avtopatrýlde planshet bolady. Sodan bastap jol qozǵalysy salasyndaǵy barlyq xattamalar elektrondy túrde rásimdeledi. Sóıtip, aqyryndap bárine taratatyn bolamyz», - dep atap kórsetti komıtet basshysy.