Jyldyń alǵashqy kúni jedel járdem 33 myńnan astam shaqyrtýǵa shyqty

ASTANA. QazAqparat – Mereke kúnderi shuǵyl medıtsınalyq kómek qyzmetiniń jumysy qyzý boldy, dep habarlaıdy QazAqparat Densaýlyq saqtaý mınıstrligine silteme jasap.

1 qańtarda Qazaqstan boıynsha jedel medıtsınalyq kómek qyzmeti 33 370 shaqyrtýdy qabyldady jáne qyzmet kórsetti, bul – ortasha aınalymnan 20%-ǵa joǵary.

Jedeldiktiń birinshi sanatyndaǵy qońyraýlar (mysaly, keýdedegi aýyrsyný, shok, tynys alýdyń toqtaýy jáne basqa jaǵdaılar) 4% boldy.

Jedeldiktiń ekinshi sanatyndaǵy qońyraýlar – 23% nemese 23 575. Bul sanatqa júrek qaǵysynyń buzylýy, atıpti aýyrsyný nemese oqshaýlanǵan jaraqat sııaqty jáne basqa da shaqytýlar jatady.

Shuǵyldyqtyń úshinshi sanaty boıynsha shaqyrtýǵa JMK brıgadalary 9,5 myńnan astam jaǵdaıda (28%) shyqty.

Al, eń kóbi – tórtinshi sanattaǵy (sozylmaly aýrýlardyń asqynýy) qońyraýlar, olardyń úlesi 45% boldy.