Jyldyń alǵashqy 3 kúninde elordada 146 sábı dúnıege keldi
ASTANA. 6 qańtar. QazAqparat - Astanada 2014 jyldyń alǵashqy úsh kúninde perzenthanalar men perınataldyq ortalyqtarda 146 sábı dúnıege keldi. Bul týraly astana.kz saıtyna qalalyq Densaýlyq saqtaý basqarmasynan habarlady.
«Astanada 1, 2 jáne 3 qańtarda 146 sábı týǵan, sonyń ishinde 72 ul, 74 qyz, egizder men úshemder joq», - delingen habarlamada. Aıta keteıik, elordada jyl saıyn týý kórsetkishi orta eseppen 1,1% (850 - 900 bala) artady, 2013 jylǵy jeltoqsan jaǵdaıynda 1000 adamǵa shaqqandaǵy týý kórsetkishi 27,67 qurady. 2010 jyly qalalyq bosanatyn áıelderge dárigerlik járdem beretin mekemelerde 16 444 sábı, 2011 jyly 19 177, 2012 jyly 21 266, al 2013 jyldyń 11 aıynda 20 699 bala týǵan.
