Jyldyq ınflıatsııa nysanaly dálizden asyp, 6,7 paıyzǵa jetti
«Bıyl mamyr aıynda jyldyq ınflıatsııa 2020 jylǵa arnalǵan 4-6% nysanaly dálizden joǵary qalyptasyp, 6,7% boldy. Azyq-túlik taýarlary baǵasynyń jyldyq ósimi 10,7%-ǵa deıin jyldamdady. Bul 2016 jylǵy qazannan bastap eń joǵary kórsetkish», - dedi Ulttyq bank tóraǵasy.
Erbolat Dosaevtyń málimetine sáıkes aılyq ósim joǵary bolyp qalǵanymen, jekelegen azyq-túlik ónimderi baǵasynyń ósý qarqyny turaqtalǵan. Azyq-túlikke jatpaıtyn taýar baǵasynyń jyldyq ósimi janar-jaǵarmaı baǵasynyń (benzın men dızel otyny 0,7%-ǵa) tómendeýinen 5,3%-ǵa deıin báseńdegen.
«Aqyly qyzmettiń jyldyq ınflıatsııasy bir aıda tótenshe jaǵdaıda retteletin kommýnaldyq qyzmet tarıfteriniń ýaqytsha azaıýynan 3,5%-dan 3,0%-ǵa deıin tómendedi. Bıyl mamyrda tarıfter 3%-ǵa, jyldyq kórsetý boıynsha 1,9%-ǵa tómendedi. Bizdiń baǵalaýymyz boıynsha, bıyl jyldyq ınflıatsııa 4-6%-dyq nysanaly dálizden joǵary qalyptasady. Al Brent markaly munaıdyń bir barreli úshin 35-40 AQSh dollaryn kózdeıtin bazalyq stsenarııge sáıkes 8,0-8,5% bolady. 2021 jyly aıyrbastaý baǵamynyń ishki baǵalarǵa aýysý nátıjesiniń aıaqtalýyna jáne ishki ekonomıkadaǵy jaǵdaıdyń turaqtanýyna qaraı jyldyq ınflıatsııa nysanaly dálizdiń joǵary shegine birtindep báseńdeıdi», - dedi ol.