Jyldyq ınflıatsııa 6,9-7,5 paıyz aralyǵynda boljanýda - mınıstr

ASTANA. QazAqparat - 2017 jyldyń qorytyndysynda ınflıatsııa 6,9-7,5 paıyz aralyǵynda bolady dep boljanýda. Bul týraly búgin Úkimettiń selektorlyq rejımdegi otyrysynda elimizdiń Ulttyq ekonomıka mınıstri Tımýr Súleımenov málim etti dep habarlaıdy QazAqparat.

Onyń aıtýynsha, áleýmettik mańyzy bar azyq-túlik taýarlaryna baǵa men tarfterdiń negizsiz ósýine jol bermeý boıynsha aldyn alý sharalaryn qabyldaý qajet.

«Óńirlerdiń ákimderi Aýyl sharýashylyǵy mınıstrligimen birlesip, Óńirlik turaqtandyrýshy qorlarda negizgi azyq-túlik taýarlarynyń jetkilikti qoryn qamtamasyz etý kerek. Sondaı-aq kúndelikti baǵa monıtorıngin júrgizý, tapshylyqqa jol bermeý jáne naryqty qajetti azyq-túlik taýarlarymen tolyqtyrý úshin turaqtandyrýshy qorlardyń resýrstaryn tıimdi paıdalaný asa mańyzdy», - dedi Tımýr Súleımenov.

Sonymen qatar ol Energetıka mınıstrligi óńirlerdiń ákimderimen birlesip, jylytý maýsymy kezeńinde janar-jaǵar maı materıaldaryna baǵanyń negizsiz ósýine jol bermeýi qajettigin basa aıtty.

«Joǵaryda atalǵan aldyn-alý sharalaryn esepke ala otyryp, 2017 jyldyń qorytyndylary boıynsha ınflıatsııa deńgeıin 6,9-7,5 paıyz aralyǵynda boljamdaımyz», - dedi mınıstr.