Jyldamdyqty saǵatyna 173 shaqyrymnan asyrǵan júrgizýshige asa qomaqty aıyppul salyndy
ASTANA. 7 qazan. QazAqparat - Dendermonde qalasyndaǵy sot 47 jastaǵy belgııalyq azamatty jyldamdyqty saǵatyna 173 shaqyrymnan asyrǵany úshin júrgizýshi kýáliginen aıyrdy,
dep habarlaıdy Belga agenttiginen. Oǵan bes jyl boıy kólikti júrgizýge tyıym salyndy, alaıda bul merzimniń jartysy shartty jaza bolyp tabylady, dep jazady Wort gazeti. Sot tóreshisi maksımaldy bolýy múmkin jazany tańdady.
Sondaı-aq júrgizýshi 4,4 myń eýro kólemindegi aıyppul tóleýge mindetti.
Júrgizýshini YouTube -ta jarııalanǵan rolık arqyly tapty. Onda ol Aston Martin kóligin júrgize otyryp, saǵatyna 293 shaqyrymǵa deıin jyldamdyqty arttyrǵan. Bul oqıǵa Gent jáne Antverpendi qosatyn eýropalyq E17 kólik jolynda, Vasmıýnster qalasyna jaqyn jerde boldy.
Beınejazbany jolaýshylar kreslosynda otyrǵan 16 jastaǵy jasóspirim jasady. Al ǵalamtorǵa ony saldaryn oılamaǵan júrgizýshiniń ózi salǵan.
