Jyldam shahmattan álem chempıonatynda qazaq qyzdary jeńilmeı kele jatyr

BYDGOŞ. QazAqparat - Bydgoş qalasynda (Polsha) jyldam shahmattan (rapıd) áıelder arasynda komandalyq álem chempıonaty bastaldy. Týrnırge 12 komanda qatysyp jatyr. Olar eki topqa bólingen, dep habarlaıdy QazAqparat Qazaqstan shahmat federatsııasyna silteme jasap.

Qyzdarymyz Grýzııa, Ýkraına, Úndistan, Frantsııa jáne Mysyrmen oınaıdy. Aldyn ala ótken týrnır qorytyndysy boıynsha eki úzdik komanda anyqtalady.

Olar kýbok júıesi boıynsha 1-4 oryndardy ózara bólispek.

Birinshi kezdesýde qazaqstandyq shahmatshylar Mysyr quramasyn 3:1 esebimen jeńdi (Bıbisara Asaýbaeva men Merýert Kamalıdenova jeńiske jetti, al Ksenııa Balabaeva men Alýa Nurmanova oıynyn teń aıaqtady).

Ekinshi aınalymda bizdiń qurama Úndistan komandasyn utty. Jeńis upaıyn Ámına Qaıyrbekova ákeldi.

Endi Frantsııa men Ýkraına komandalarymen ótetin kelesi eki match óte mańyzdy bolmaq.