Jylda saıahatshylar 5,5 myń tonna plastmassalyq qoqys tastap ketetin Dýbaı birrettik plastıkten bas tartty
NUR-SULTAN. QazAqparat – Álemde jyl saıyn 300 mıllıon tonnadan astam plastık óndiriledi.
Al tabıǵatqa qaýipti zattarmen kúres plastmassa paıdalanýdy shekteýden bastalady. Kóptegen elder, qalalar men aımaqtar aldyna osyndaı maqsat qoıdy. Onyń ishinde Dýbaı da bar, dep habarlaıdy euronews.com.
Іskerlik jáne qonaqúı kesheni aınalasynda ornalasqan Halyqaralyq Dýbaı áýejaıy arqyly jyl saıyn 90 mıllıon jolaýshy ótedi. Saıahatshylar nópiri 5,5 myń tonna plastıkalyq zat tastap ketedi. Endi jaǵdaı ózgermek: jańa jyldan bastap áýejaı termınaldarynda birrettik plastık zattardy paıdalanýǵa tyıym salyndy.
Áýejaıdyń artynsha, Dýbaıdaǵy 700 qonaqúı ózderiniń stoldary men barlarynan plastık bótelkelerdi ysyryp, olardy shynyǵa almastyryp jatyr.
Qonaqúı nómiriniń kilti retinde paıdalanylatyn plastıkalyq kartalar da kelmeske ketedi, olardyń ornyn aǵash negizinde jasalǵandary almastyrady.
