Jylannyń kesilgen basy órt sóndirýshini shaǵyp aldy
ASTANA. QazAqparat - Amerıkandyq Tennessı shtatyndaǵy Sprıng Hıll qalasynyń turǵynyn syldyrmaqty jylannyń kesilgen basy shaǵyp aldy.
Bul týraly WTVF telearnasy habarlady.
Oqıǵa órt sóndirýshi bolyp jumys atqaratyn Kaıl Ýotson otbasymen serýenge shyqqanda bolǵan. Ormanda onyń áıeli jylandy basyp kete jazdaǵan. Eshkim zardap shekpesi úshin er adam qalaqpen ıreleńdegen ýly baýyrymen jorǵalaýshynyń basyn shaýyp tastaǵan. Amerıkandyq ólgen jylandy kóterip, balalaryna kórsetpek bolǵan kezinde shabylǵan jylannyń basy kenetten qozǵalyp qolynan shaǵyp alǵan. Artynsha órt sóndirýshi birneshe qadam basqan kúıi esinen tanyp qulaǵan. Qutqarýshylarǵa zardap shekken janǵa jetip, ony ormannan alyp shyǵyp, tikushaqpen aýrýhanaǵa jetkizý úshin bir saǵattan artyq ýaqyt ketedi. Dárigerler onyń jaǵdaıy aýyr, biraq turaqty dep otyr.
