«Jyl tańdaýy - 2010» ulttyq jobasynyń qorytyndylary jarııalandy
ALMATY. 8 jeltoqsan. QazAqparat /Erbol Turymbetov/ - Keshe Almatyda Abaı atyndaǵy Qazaq memlekettik akademııalyq opera jáne balet teatrynda 2010 jylǵy «Jyl tańdaýy» - «Jyl adamy» ulttyq jobasynyń bas júldegerlerin saltanatty túrde marapattaý rásimi bolyp ótti.
«Altyn Adam - 2010» atalymynyń qorytyndysy boıynsha, jyl sportshysy - Elena Hrýstaleva, memlekettik tilde radıojúrgizýshi - Aqsuńqar Aqynbaba, jyl ákimi -Ahmetjan Esimov, jyldyń telejýrnalısi - Artýr Platonov jáne mádenıet qaıratkeri -Rýben Andrıasıan bolyp tanyldy. Al jyl quqyq qorǵaýshysy ataǵy Qaırat Jumabekovke berildi. Bul ataq onyń qyzmet barysynda jasaǵan erlikke para-par isiniń qurmetine arnalyp otyr.
Sonymen qatar, birqatar arnaýly syılyqtar da tabystaldy. Atap aıtqanda, Qazaqstan ǵylymyna qosqan úlesi úshin Tóregeldi Sharmanovqa jáne Qazaqstan mádenıetine qosqan úlesi úshin Aqseleý Seıdimbekke arnaıy jobanyń arnaıy syılyǵy berildi. Aqseleý Seıdimbekke arnalǵan syılyq marqumnyń jary men qyzyna tabys etildi.
Al «Jyldyń Qazaqstan adamy» atalymy boıynsha Altyn adam syılyǵy «Kelin» fılminiń rejısseri Ermek Tursynovqa buıyrdy. Bul ataq onyń Qazaqstannyń halyqaralyq ımıdjin kóterýge qosqan úlesi úshin taǵaıyndaldy.
«Ekspress K» merzimdi basylymy jýrnalıstıka ǵuryptaryna adaldyǵy jáne qoǵamnyń toleranttylyǵy men patrıotızmge qosqan úlesi úshin marapattaldy.
