Jyl sportshysy - tennısshi Serena Ýılıams
ASTANA. Jeltoqsannyń 24-i. QazAqparat - Amerıkandyq tennısshi Serena Ýılıams jyldyń úzdik sportshysy atandy. Bul týraly RSN agenttigi habarlaıdy.
Bul ataq álemniń birinshi raketkasyna amerıkandyq gazet redaktorlarynyń arasynda júrgizilgen saýalnamanyń qorytyndysy boıynsha berilip otyr.
Al óziniń sporttyq jolynda birde-bir ret jeńilmegen Zınıatta atty sáıgúlik reıtıngte ekinshi oryn alsa, al úshinshi oryn - taǵy bir tennısshi qyzǵa - belgııalyq Kım Klıısterske buıyrdy.
Al Argentına quramasynyń jáne ıspandyq «Barselona» klýbynyń oıynshysy Lıonel Messı FIFA nusqasy boıynsha jyl oıynshysy dep tanylǵanyn budan buryn habarlaǵan bolatynbyz. Bul Messıdiń mundaı alǵashqy nagradasy. Byltyr ol, qorytyndysy boıynsha atalmysh júldeniń ıegeri anyqtalatyn jattyqtyrýshylar men ulttyq komanda kapıtandarynyń arasyndaǵy saýalda ekinshi atalyp, birinshi oryndy portýgaldyq Krıshtıaný Ronaldý ıelengen edi.
