Jyl sońynda ınflıatsııa 13-15 paıyz deńgeıinde bolady – Ulttyq bank boljamy
«Ulttyq bank 2022 jyldyń sońynda ınflıatsııa 13-15 paıyz deńgeıinde bolady dep boljaıdy. Boljam tutyný naryqtarynyń teńgerimdi damýyna nazar aýdarylatyn Úkimettiń ınflıatsııa deńgeıin baqylaý jáne tómendetý jónindegi sharalar keshenin iske asyrý barysy eskerile otyryp jasaldy. Osy sharalar kesheni tabysty iske asyrylǵan kezde ınflıatsııa boljamnyń tómengi shegine deıin jetýi múmkin», - dedi Ulttyq bank tóraǵasy.
Onyń atap ótýinshe, azyq-túlikke jatpaıtyn taýarlar baǵasynyń ósýi birshama jedeldeıdi dep kútiledi. Ol janar-jaǵarmaı baǵasy retteletin ósimmen tejeledi. Aqyly qyzmetterdiń ınflıatsııasy 2021 jyldyń joǵary bazasyna baılanysty báseńdeıdi.
«Retteletin kommýnaldyq qyzmetter baǵasynyń olardy kóterýge moratorıı aıaqtalǵannan keıin qymbattaý táýekelderin, sondaı-aq joǵary ınflıatsııalyq kútýler aıasynda naryqta kórsetiletin qyzmetter baǵasynyń ósýin atap ótemiz», - dedi Ǵalymjan Pirmatov.