Jyl sońynda Astanaǵa qosymsha 300 avtobýs ákelinedi - I. Tasmaǵambetov
ASTANA. QazAqparat - Jyl sońynda Astananyń avtobýs parki taǵy 300 jańa kólikpen tolyqpaq. Bul týraly búgin Astana ákimi Imanǵalı Tasmaǵambetov málim etti.
«Bıyldan bastap biz qajetti qoǵamdyq kólikterdi satyp alýdy júzege asyramyz. Jyl sońynda bizdiń qalamyz 300 avtobýspen tolyǵady. 2017 jylǵa qaraı biz avtobýs parkin tolyǵymen jańartyp, keńeıtýimiz tıis», - dedi ol «Astana bike» jobasynyń tanystyrylymy barysynda.
Qala basshysynyń aıtýynsha, búginde qoldanysta júrgen 850 kólik elordalyqtardyń qajettiligin tolyǵymen qamtamasyz ete almaýda.
«Astanada kem degende 1200 avtobýs bolýy kerek. Adamdar kúnine birneshe ret avtobýs qoldanýyn eskersek, búgingi qýatymyz kún saıyn qalada 700 myń adam tasymaldaýǵa ǵana jetedi. Biraq shyn máninde onyń jalpy kólemi 1 mıllıonnan astam adamdy quraıdy», - dedi I. Tasmaǵambetov.
