Jyl sońynda «Alaý» muz saraıy taǵy da Álem kýbogyn qabyldaıdy
ASTANA. 17 mamyr. QazAqparat - Konkı tebýshilerdiń halyqaralyq odaǵy (ISU) Qazaqstanǵa osymen úshinshi ret Astanada konkı tebý sporty týrnırleriniń ishindegi bedeldi saıystardyń birin ótkizý quqyǵyn berdi,
dep habarlady Muz saraıynyń baspasóz qyzmetinen.
«Óz muz aıdynynda ótetin iri jarys árıne, qazaqstandyq sportsúıer qaýym úshin úlken syılyq. Biraq, bárinen de bizdiń ulttyq quramaǵa zor úlesin tıgizedi. Bıylǵy maýsymda ótken Álem kýbogynyń sońǵy 4 kezeńi boıynsha Sochı-2014 Olımpıada oıyndaryna irikteý ótkiziledi. Astanada ótetin básekede qazaqstandyq komanda ár qashyqtyq boıynsha bes sportshyny qatystyra alady. Demek, bizdiń sportshylarymyzdyń basym bóliginiń joldama úshin talasqa túsýine jol ashylyp otyr», - delingen habarlamada.
Sochı joldamasy úshin tartys joǵary jyldamdyq pen shıeleniske toly bolmaq. Astanaǵa álemniń úsh júzden astam sportshysy keledi. Osylaısha, muz aıdyndarynyń rekordyn ári oǵan qosa ortaq reıtıngti de jańartýǵa naqty múmkindik bar.
Kýbokty ótkizýdiń naqty merzimi: 2013 jyldyń 29 qarashasy men 1 jeltoqsan aralyǵy.
Úsh kún boıy jarystar mynadaı qashyqtyqta ótkiziledi:
Qyzdar: 500 m, 1000 m, 1500 m, 5000 m.
Erler: 500 m, 1000 m, 1500 m, 10 00 0m.
Aıta keteıik, búginde astanalyq muz saraıy ǵalamshardaǵy eń úzdik saraılardyń tiziminde altynshy orynda tur.
