Jyl sońyna qaraı Kúlásh Baıseıitova týraly fılm kórermenge jol tartady - M. Qul-Muhammed

ASTANA. 24 qyrkúıek. QazAqparat - Jyl sońyna qaraı Kúlásh Baıseıitova týraly 12 serııaly fılm kórermenge jol tartady. Bul týraly búgin Aqordada QR Memlekettik hatshysy Marat Tájınniń tóraǵalyǵymen ulttyq tarıhty zerdeleý jónindegi vedomstvoaralyq jumys tobynyń úshinshi otyrysy barysynda QR Mádenıet jáne aqparat mınıstri Muhtar Qul-Muhammed aıtty.

Mınıstrdiń aıtýynsha, «Halyq tarıh tolqynynda» baǵdarlamasyn ázirleý aıasynda respýblıkalyq telearnalarda 25 arnaıy tsıkildik habarlardyń júıesi jasalǵan. Atalǵan habarlardy jasaý barysynda olardyń ǵylymı deńgeıde bolýy úshin 40-tan astam sarapshy tartylǵan. Sondaı-aq, qazirgi kezde «Qazaqstan» ulttyq arnasynyń barlyq óńirlik fılıaldarynda osy baǵyttaǵy jumystar júrgizilýde. «Qazaqstan» TRK «Saqtar», «Ǵundar», «Úısinder» atty úsh úlken fılmdi aıaqtaıdy. Sonymen birge «Uly dala qupııalary» atty 8, «Dáýir dálizi» atty 12 serııaly fılmderdiń Abylaı hannyń 300 jyldyǵyna baılanysty fılmniń júıesin jasady. Dál osyndaı jumys «Habar» arnasynda da júzege asyrylýda», - dedi M. Qul-Muhammed. Onyń atap ótýinshe, mınıstrlik Qazaqstanniń arǵy tarıhy ǵana emes, bergi tarıhyn zerdeleý isine de den qoıyp otyr. «Qazir «Habar» arnasynan Baýyrjan Momyshuly týraly 4 serııaly, «Qazaqstan» TRK Qasym Qaısenov týraly 4 serııaly fılm jáne jyldyń aıaǵynda «Habar» arnasynda Kúlásh Baıseıitova týraly 12 serııaly fılmder josparlanǵan», - dedi mınıstr.