Jyl sońyna qaraı «elektrondyq úkimet» arqyly kórsetiletin qyzmetterdiń sany 54-ke jetedi
ASTANA. Qazannyń 29-y. QazAqparat /Gúlmıra Álıakparova/ - Búginde «elektrondyq úkimet» veb-portaly arqyly halyq pen bıznes qurylymdarǵa qyzmetterdiń 41 túri kórsetilip otyr.
2009 jyldyń sońyna qaraı olardyń sanyn 54-ke deıin arttyrý kózdelýde, dep habarlaıdy QazAqparat.
Olardyń qatarynda - buryn-sońdy sotty bolmaǵandyǵy, ne bolǵandyǵy týraly, balany týý jáne ony kútý boıynsha járdemaqyny taǵaıyndaý týraly jáne múgedektiktiń tobyn rastaıtyn anyqtamalardy alýǵa, izdeýde júrgen avtokólik quraldardyń tiziminen tekserýge, sondaı-aq ıesi anyqtalmaǵan kólikterge baılanysty aqparat alýǵa bolady.
Búginde elektrondyq qyzmettiń barynsha múmkin túrlerin eńbek jáne halyqty áleýmettik qorǵaý, ádilet jáne qarjy mınıstrlikteri kórsetip otyr.
Jalpy elektrondyq qyzmetterdi kórsetýge jumyldyrylǵan memlekettik organdarda 200-den astam aqparattyq júıe bar.
