Jyl sońyna deıin jer kadastrynyń aqparattyq júıesi ónerkásipte iske qosylady

Búgin QR Parlamenti Májilisinde ótken Úkimet saǵatynda Jer resýrstaryn basqarý agenttiginiń tóraǵasy Ómirzaq Ózbekov osylaı málim etti.

«Jer resýrstaryn basqarýda memlekettik jer kadastryn júrgizýdiń mańyzdylyǵyn barlyq memleketter moıyndaıdy. Jer kadastry elimizdiń negizgi baılyǵy sanalatyn jerimizdiń sandyq, sapalyq quqyqtyq jaǵdaılaryn qamtıtyn jıyntyq júıesi bolyp tabylady. Jer reformasyn iske asyrý barysynda elimizdegi kadastrdyń negizi qalanyp, onyń ınfraqurylymy qalyptasty. Ótken jyly memlekettik jer kadastrynyń avtomattandyrylǵan aqparattyq júıesi tájirıbelik túrde iske asyrylǵan bolatyn. Ony ónerkásiptik iske qosýdy aǵymdaǵy jyldyń aıaǵyna deıin ótkizý josparlanady», - dedi Ó. Ózbekov.

Sonymen qatar jer qatynastaryndaǵy geodezııa jáne kartografııa qyzmetterine qatysty zańnamalardy jetildirý máselesine toqtalǵan agenttik tóraǵasy, búgingi kúni Májiliste jer kodeksine ózgerister engiziletin zań jobasy qarastyrylyp jatqanyn tilge tıek etti. Onyń aıtýynsha, atalǵan jobada jer qatynastaryna qatysty birqatar máseleler qamtylyp otyr. «Máselen, eldi mekenderdiń, erekshe qorǵalatyn tabıǵı aýmaqtardyń, olardyń aınalasyndaǵy jasyl aımaqtardy, sondaı-aq ken oryndaryn ıgerý maqsatynda jerlerdi rezervke qoıý sharalary kózdeledi. Jer ýchaskelerin ıgerýdiń naqty merzimi men sharttaryn ornatý normalary qarastyrylady», - dedi Ó. Ózbekov.