Jyl sońyna deıin «Turǵynúıqurylysjınaqbanki» 74 turǵyn úı tapsyrady
ASTANA. 22 qazan. QazAqparat - Jyl sońyna deıin «Qoljetimdi baspana-2020» memlekettik baǵdarlamasy aıasynda «Turǵynúıqurylysjınaqbanki» 6 myń páterlik 74 turǵyn úıdi tapsyrady. Bul týraly búgin Úkimet otyrysynda atalǵan banktiń basshysy Aıbatyr Jumaǵulov málim etti.
Onyń aıtýynsha, bıylǵy jyly tapsyrylatyn baspananyń aýdany - 384 myń sharshy metr, al onyń jalpy quny - 43,4 mlrd. teńge.
Baǵdarlamany iske asyrý bastalǵaly bank pen jergilikti atqarýshy organdar arasynda jalpy aýdany 875 myń sharshy metr aýmaqtaǵy 13,7 myń páterlik 171 turǵyn úıdiń qurylysy boıynsha kelisimder bekitildi.
«2013 jylǵy 1 qazandaǵy jaǵdaı boıynsha jalpy aýdany 324 myń sharshy metrdegi 5 myń páterlik 63 turǵyn úı paıdalanýǵa berildi. Qalǵan 34 úıdi biz aldaǵy kezeńde tapsyratyn bolamyz», - dedi ol.
