Jyl sońyna deıin respýblıka boıynsha 162 balabaqsha paıdalanýǵa beriledi
ASTANA. QazAqparat - Jyl sońyna deıin respýblıka boıynsha 162 balabaqsha paıdalanýǵa beriledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Premer-Mınıstriniń orynbasary Berdibek Saparbaev málim etti.
«Balapan» baǵdarlamasyn júzege asyrýdyń nátıjesinde balalardyń mektepke deıingi bilimmen qamtylýy 78,6 paıyzdy qurady. Jyl sońyna deıin 162 mektepke deıingi uıym ashylatyn bolady. Bul balalardyń 81 paıyzyn qamtýǵa múmkindik beredi», - dedi ol.
Onyń atap ótýinshe, balalardy mektepke deıingi bilimmen qamtý úshin arnaıy jol kartasy ázirlengen. Atalǵan kartaǵa sáıkes, memlekettik jeke seriktestik negizinde 18 jáne jeke ınvestıtsııa esebinen 324 balabaqsha ashylatyn bolady.
«Prezıdentttiń balalardy júz paıyz mektepke deıingi uıymdarmen qamtamasyz etý jónindegi tapsyrmasy 2020 jylǵa deıin oryndalatyn bolady», - dedi B.Saparbaev.
