Jyl sońyna deıin patrýldik jáne jol polıtsııasyn biriktirý kózdeledi - ІІM
ASTANA. 24 maýsym. QazAqparat - Elimizde jyldyń sońyna deıin patrýldik jáne jol polıtsııasy biriktirilip «ámbebap polıtsııasyn» engizý josparlanady. Bul týraly búgin elordada QR Prezıdenti janyndaǵy Ortalyq kommýnıkatsııalar qyzmetindegi brıfıng barysynda Іshki ister mınıstri Qalmuhanbet Qasymov málim etti.
Mınıstrdiń aıtýynsha, byltyr bir jyl boıy Pavlodar oblysy Іshki ister departamenti men Taraz qalasynyń Іshki ister basqarmasy bazasynda patrýldik jáne jol polıtsııasyn biriktirý arqyly «ámbebap polıtseı» qyzmetiniń ilki jobasy synaqtan ótkizilgen.
«Synaq jetkilikti túrde oń nátıjeler kórsetti. Jalpy, eki qyzmetti biriktirý patrýldeýdiń bir baǵytynda jasaqtardyń qaıtalanýyn alyp tastaýǵa múmkindik beredi. Nátıjesinde kóshelerde, basqa da qoǵamdyq oryndarda olardyń tyǵyzdyǵy artady, bul óz kezeginde polıtsııa jasaqtarynyń oqıǵa ornyna kelýiniń ýaqytylylyna, ákimshilik quqyq buzýshylyqtardy anyqtaýǵa, jolyn kesýge, qylmystardyń izin sýytpaı ashýǵa jáne jalpy krımınogendik ahýaldyń jaǵdaıyna oń áserin tıgizedi», - deıdi mınıstr Q. Qasymov.
