Jyl sońyna deıin memleketke 5 mln gektar jer qaıtarylady - AShM

NUR-SULTAN. QazAqparat - Memleket basshysynyń tapsyrmasymen paıdalanylmaı jatqan jáne zańnamany buzyp berilgen jerlerdi alyp qoıý boıynsha jumys komıssııasy quryldy, dep habarlaıdy QazAqparat.

Aýyl sharýashylyǵy mınıstrliginiń málimetinshe, vedomstvonyń mindeti - jyl sońyna deıin memleketke keminde 5 mıllıon gektar ıgerilmeı jatqan jerlerdi qaıtarý.

«2022 jylǵy 9 tamyzda Prezıdent jer máseleleri boıynsha tekserýler júrgizýge moratorııdiń kúshin joıýdy kózdeıtin Jarlyqqa qol qoıdy.

AShM Jer resýrstaryn basqarý komıtetiniń aýmaqtyq bólimsheleri 7,45 mln gektar alańda 2584 sýbektige qatysty tekserý josparlady, onyń ishinde egistik – 585,2 myń gektar, jaıylym 6,86 mln gektardy quraıdy», - dep jazdy mınıstrlik.

Sonymen qatar, shamamen 3 mln gektar alańda jerdi paıdalanýshylarǵa qatysty 900 jospardan tys tekserý tirkeldi, nátıjesinde 1 mln 329 myń gektar boıynsha jer zańnamasyn buzýshylyqtardy joıý týraly 418 nusqama engizildi.

«J yl basynan beri jergilikti atqarýshy organdarǵa qatysty 103 jospardan tys tekserý júrgizildi. Ákimdikterdiń aýyl sharýashylyǵy jerlerin berý týraly 118 sheshimi zańsyz qabyldanǵany anyqtaldy. Bıyldyqqa 2 mln 929 myń gektar aýyl sharýashylyǵy jeri qaıtaryldy. Qazir memleketke qaıtarý boıynsha sońǵy rásimder júrgizilip jatyr, bul ótken jylǵy 430 myń gektar qalpyna keltirilgen jerlerge qaraǵanda 7 ese kóp. Bul baǵyttaǵy jumys qarqyndy júrgizilip jatyr», - delingen vedomstvo habarlamasynda.