Jyl sońyna deıin membaǵdarlama boıynsha kezekte turǵandarǵa 2510 páter tapsyrylady

ASTANA. QazAqparat - Jyl sońyna deıin 2510 memlekettik baǵdarlamaǵa qatysýshy jańa páterde qonys toıyn toılaıtyn bolady. Bul týraly astana.kz saıtyna Astana qalasy ákimi apparatynyń baspasóz qyzmetinen habarlady.

Atalǵan baǵdarlamanyń ekinshi kezeńi boıynsha turǵyn úı qurylysy Saraıshyq kóshesiniń ońtústiginde, sondaı-aqTilendıev dańǵylynyń ońtústiginde júrgizilip jatyr. «Memlekettik baǵdarlamany júzege asyrý barysynda Astana qalasynyń ákimdigi naqty jumystar júrgizdi. Budan basqa, nesıelik baspana salý josparyn ýaqytyly oryndamaýǵa keıbir bas merdigerlerdiń kelisimdik mindettemelerin oryndamaýy áser etti. Bul kelisimderdi buzyp, jańa merdigerlik uıymdar tańdaýǵa ákeledi, nysandar qurylysynyń merzimderin buzady», - dedi qalalyq Qurylys basqarmasynyń qyzmetkerleri. Taratylǵan málimetterge sáıkes, elordada 2008-2010 jyldarǵa arnalǵan turǵyn úı qurylysyn damytý memlekettik baǵdarlamasyn júzege asyrý aıasynda búginde jalpy aýdany 261,5 myń sharshy m 5674 páter paıdalanýǵa berildi.