Jyl sońyna deıin Qazaqstannan qymbat metaldar men baǵaly tastardy áketýge tyıym salynady

Bul týraly búgin Májiliste «Qymbat metaldar jáne qymbat tastar týraly» zań jobasynyń tanystyrylymy barysynda málim boldy.

Investıtsııalar jáne damý vıtse-mınıstri Albert Raýdyń aıtýynsha, búgingi kúni Úkimet altyn men quramynda altyny bar shıkizatty elden áketýge ýaqytsha tyıym salǵan. «Bul byltyrǵy jyly qabyldanǵan tyıym bolatyn, 2015 jyldyń ortasyna taman merzimi aıaqtalady. Biraq, biz bul tyıymdy jyl sońyna deıin uzartýǵa nıettimiz. Degenmen, bul jerde tyıymǵa jatpaıtyn bir ǵana másele - altyny bar shıkizattardy Reseıge tasymaldaý. Óıtkeni, bizdiń metaldardy óńdeıtin jekelegen kompanııalar Reseıde ornalasqan ári olardyń sany da kóp emes», - deıdi A. Raý.

Óz kezeginde Investıtsııalar jáne damý mınıstrligi Indýstrııalyq damý jáne ónerkásip komıtetiniń tóraǵasy Qanat Baıytovtyń aıtýynsha, tyıym negizinen Astanadaǵy affınajdy zaýytty shıkizatpen qamtamasyz etý maqsatynda engizilgen.