Jyl sońyna deıin Qazaqstandaǵy ınflıatsııa 6-8% kóleminde bolady
ASTANA. QazAqparat - Jyl sońyna deıin Qazaqstandaǵy ınflıatsııa 6-8% kóleminde bolady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Statıstıka agenttiginiń tóraǵasy Álıhan Smaıylov málim etti.
«Meniń oıymsha, ınflıatsııa ótken jyldyń qorytyndysy boıynsha Ulttyq bank pen Úkimettiń boljamy deńgeıinde, ıaǵnı 6-8 paıyz kóleminde bolady», - dedi Á. Smaıylov.
Onyń aıtýynsha, búginde ishki tutyný naryǵyndaǵy ımport kólemi 36-37 paıyzdy qurap otyr.
«Teńge baǵamyn túzetýge baılanysty bul kórsetkish kelesi jyly tek tómendeıtin bolady. Azyq túlik taýarlary boıynsha ımport kólemi 21 paıyzdy quraıdy. Jalpy aıtqanda, Úkimet, jergilikti atqarýshy organdar men Ulttyq bank tarapynan sharalar der kezinde qolǵa alyndy», - dep atap ótti ol.
