Jyl sońyna deıin Qazaqstanda 6 mektep paıdalanýǵa beriledi

ASTANA. QazAqparat - 2015-2016 jyldary 96 bilim berý nysandaryna ıaǵnı, 77 mektep pen 19 balabaqsha qurý úshin 77,3 mlrd. teńge bólindi. Bul týraly búgin Úkimet otyrysynda QR Ulttyq ekonomıka mınıstri Qýandyq Bıshimbaev málim etti.

«Aqmola, Almaty, Aqtóbe, Qostanaı, OQO jáne Almaty qalasy ákimshilikterimen qarajat tolyq kólemde ıgerilgenin atap aıtqym keledi. Bul rette ShQO boıynsha qarjy 80 paıyz, Astana qalasy boıynsha 70 paıyz ıgerildi. Tolyq ıgerilmeý kóbinese memlekettik satyp alý qarajattyń únemdeýimen, qurylys jumystarynyń jumys kestesinen qalýymen baılanysty. Budan basqa, Atyraý oblysyndaǵy orta mektep jáne ŞQO-daǵy balabaqsha josparlanǵan ýaqyttan kesh iske asyryldy», - dedi mınıstr.

Onyń sózinshe, búgingi kúni 43 bilim berý obektisi, sonyń ishinde 29 mektep (úsh aýysymmen oqytýdy joıý úshin 22 mektep jáne apatty mektepterdiń ornyna 7 mektep) jáne 14 balabaqsha salyndy.

«Jyldyń aıaǵyna deıin qosymsha 6 mektep jáne 4 balabaqsha salynady», - dedi Q. Bıshimbaev.