Jyl sońyna deıin Qazaqstanda 12 myńnan astam jumys orny ashylady
ASTANA. QazAqparat - Jyl sońyna deıin Qazaqstanda 12 myńnan astam jumys orny ashylady. Bul týraly Úkimet otyrysynda Investıtsııalar jáne damý mınıstri Jeńis Qasymbek málim etti, dep habarlaıdy QazAqparat.
«Bıylǵy jyldyń ekinshi jartyjyldyǵynda jalpy somasy shamamen 1,1 trln teńge bolatyn 100-ge jýyq jobany iske asyrý josparlanyp otyr. Onda 12,2 myńnan astam jumys orny ashylady», - dep atap ótti mınıstr.
Atap aıtqanda, 2018 jylǵa josparlanǵan birqatar mańyzdy jobalar bar. Olardyń arasynda Almatyda dıametri úlken dánekerleýshi bolat qubyrlaryn óndiretin zaýyt qurylysy eskerilgen. Sonymen qatar, ekinshi jartyjyldyqta Pavlodar oblysynda temirjolda qoldanylatyn dońǵalaqtar óndirý keshenin iske qosý josparda bar. Munymen qosa, Qyzylorda qalasynda jalpaq shyny óndirisi zaýytyn da 2018 jyly paıdalanýǵa berilmek.
Budan buryn habarlanǵandaı, búgin Úkimet otyrysynda Jeńis Qasymbek Indýstrıaldy-ınnovatsııalyq damý memlekettik baǵdarlamasyn iske asyrý qarqyny týraly baıandady.
Sonymen qatar, Qazaqstanda ındýstrııalandyrý baǵdarlamasynyń úshinshi besjyldyǵyna arnalǵan qujat ázirlengeni belgili boldy.
