Jyl sońyna deıin ınflıatsııa 7 paıyzdyq shekten aspaýy tıis - Statıstıka agenttiginiń tóraǵasy Á.Smaıylov
sp;ASTANA. Qarashanyń 16-sy QazAqparat /Marlan Jıembaı/ - Jyl sońyna deıin ınflıatsııa 7 paıyzdyq shekten aspaýy tıis. Bul jaıynda búgin baspasóz máslıhaty barysynda Staıstıka agenttiginiń tóraǵasy Álıhan Smaıylov aıtty,
dep habarlaıdy QazAqparat.
Agenttik tóraǵasynyń aıtýynsha, elimizde aǵymdaǵy jyldyń 10 aıynda ınflıatsııa 5,1, al tek qazan aıynda 0,4 paıyzdy quraǵan. Osy oraıda ol ótken jylǵy ınflıatsııamen salystyrǵanda osy jyly ınflıatsııalyq úrdistiń birshama qysqarǵandyǵyn atap ótti.
Jalpy aǵymdaǵy 9 aıda ónerkásip óndirisi 99,8 paıyzǵa, aýyl sharýashylyǵy 9 paıyzǵa ósse, qurylys salasy 6,4, bólshek saýda taýar aınalymy 9,7 paıyzǵa kemigen. Sonymen qatar ekinshi toqsannan bastap shıki munaı, tabıǵı gaz, ýran, munaı ónimderin óndirý birshama artqan.
«Bes aımaq boıynsha, atap aıtqanda Aqtóbe, Atyraý, Soltústik Qazaqstan, Batys Qazaqstan, Ońtústik Qazaqstan oblystarynda ónerkásip óndiristeriniń ulǵaıýy baıqalady», dedi Á.Smaıylov.
