Jyl sońyna deıin halyqtyń kompıýterlik saýattylyǵy 50 paıyzǵa deıin artady

Bul týraly búgin Úkimet otyrysynda QR Kólik jáne kommýnıkatsııa mınıstri Asqar Jumaǵalıev málim etti.

«Aǵymdaǵy jyly halyqqa qyzmet kórsetý ortalyqtary jáne onyń barlyq ókildikteri, sonymen qatar mektepterde, ýnıversıtetterde ári basqa da  bilim berý uıymdarynda kompıýterlik saýattylyq daǵdylaryn sertıfıkattaý júıesin engizý máselelerin ázirleýge Bilim jáne ǵylym mınıstrligi men jergilikti atqarýshy organdardy tartý arqyly oqytýdy jalǵastyrý esebinen 50 paıyzdyń tosqaýyldy eńsermekpiz», - dedi ol.

Sonymen qatar barlyq memlekettik organdarmen jáne ulttyq kompanııalarmen halyqtyń kompıýterlik saýattylyǵyn arttyrý boıynsha sáıkesinshe is-sharalar josparyn bekitý josparlanýda. 

Mınıstrdiń alǵa tartqan derekterine qaraǵanda, qazirgi ýaqytta halyqtyń kompıýterlik saýattylyǵy 43,7 paıyzdy qurap otyr.