Jyl sońyna deıin elordaǵa 100 elektroavtobýs jetkiziledi
NUR-SULTAN. QazAqparat – Elordaǵa qosymsha 400 avtobýs kerek. Bul týraly qala ákimi Altaı Kólginov aıtty, dep habarlaıdy QazAqparat.
«Eki jyl buryn 100 elektroavtobýs satyp alǵan edik. Qazir onyń nesıesin jaýyp otyrmyz. Endi bizge qosymsha 400 qoǵamdyq kólik kerek. Turǵyndarmen kezdesý kezinde avtobýstar máselesi jıi kóterilip keledi. Sondyqtan biz úsh ınvestordy shaqyrdyq. Onyń bireýi kelisip, jyl sońyna deıin 100 elektroavtobýsty óz qarajatyna alyp keledi. Ol óz qarajatyna avtobýs parkin de saldy», - dedi A. Kólginov elorda máslıhatynyń kezekten tys sessııasynda.
Osy oraıda ol qoǵamdyq kólik salasyn damytý úshin tıisti sýbsıdııany jyl saıyn berý kerek ekenin jetkizdi.
«Bul turǵyda memlekettik bıýdjetti únemdeımiz, ıaǵnı avtobýs satyp almaımyz. Qoǵamdyq kólikti ınvestorlar óz qarajatyna alýy kerek, al biz sýbsıdııa bólemiz», - dedi ákim.
Budan buryn habarlanǵandaı, búgin elorda máslıhatynyń kezekten tys sessııasynda bıýdjetti naqtylaý máselesi qaraldy.
Altaı Kólginov qaladaǵy JEO-3 qurylysy boıynsha merdigerge qatań talaptar qoıylǵanyn aıtty.
Jańa oqý jyly bastalǵanǵa deıin elordadaǵy negizgi joldar jóndeýden ótedi.
