Jyl sońyna deıin elimizdiń qalǵan úsh óńirine sýǵa qatysty saralanǵan tarıfter engiziledi - N. Aldabergenov
ASTANA. Qyrkúıektiń 27-si. QazAqparat /Qanat Mámetqazyuly/ - Aǵymdaǵy jyldyń sońyna deıin elimizdiń qalǵan úsh óńirine sýǵa qatysty saralanǵan tarıfter engiziledi.
Búgin QR Parlamenti Májilisinde «Tarıftik saıasattaǵy energııany únemdeý» taqyrybynda ótken Úkimet saǵatynda ul týraly Úkimettiń otyrysy barysynda Tabıǵı monopolııalardy retteý agenttiginiń tóraǵasy Nurlan Aldabergenov osylaı málim etti.
«Aǵymdaǵy jyldyń naýryz aıynda sýmen jabdyqtaý qyzmetterine saralanǵan tarıfterdi engizýdi kózdeıtin zańnamaǵa ózgerister engizilgen bolatyn. Soǵan sáıkes, qazirgi ýaqytta sýmen jabdyqtaý qyzmetterine tutynýshylar toptary boıynsha saralanǵan tarıfter elimizdiń 13 óńirine engizilgen. Al aǵymdaǵy jyldyń sońyna deıin respýblıkanyń qalǵan úsh óńirine, atap aıtqanda Aqtóbe, Qostanaı, Mańǵystaý oblystaryna saralanǵan tarıfter engizý qamtamasyz etiledi», dedi agenttik tóraǵasy.
Onyń aıtýynsha, sýdy paıdalanýǵa qatysty engizilgen saralanǵan tarıfter nátıjesinde sý arnalarynyń tabystary 13,2 mlrd. teńgege óken. Bul rette sýdy únemdeý 10 paıyzǵa deıin jetken jáne ol 33,3 mln. tekshe metrdi nemese 1,67 mlrd. teńgeni quraǵan.
