Jyl sońyna deıin Efıopııada Qazaqstannyń dıplomatııalyq ókildigi ashylady
ASTANA. QazAqparat - Aǵymdaǵy jyldyń sońyna deıin Efıopııada Qazaqstannyń dıplomatııalyq ókildigi ashylady. Bul týraly QazAqparatyń resmı saýalyna oraı QR Syrtqy ister mınıstrliginen habarlady.
Vedomstvonyń aqparatyna qaraǵanda, Qazaqstan jyl saıyn sheteldegi dıplomatııalyq ókilderiniń geografııasyn keńeıtip keledi. Munyń qatarynda Afrıka qurlyǵy da bar. Jalpy, Qazaqstan Afrıka eldermen yntymaqtastyqty óziniń syrtqy saıasatyndaǵy basymdyqty baǵyttardyń biri retinde qarastyrady.
Aıta keteıik, Qazaqstannyń Afrıkadaǵy eń birinshi Elshiligi 1993 jyly Mysyr Arab Respýblıkasynda ashylǵan bolatyn. Al 2013 jyly Qazaqstan Elshiligi Ońtústik Afrıka Respýblıkasynda óz jumysyn bastady.
