Jyl sońyna deıin búkil respýblıka boıynsha elektr energııasyna saralanǵan tarıfter engiziledi

 Bul týraly búgin QR Parlamenti Májilisinde ótken Úkimet saǵatynda QR Tabıǵı monopolııalardy retteý agenttiginiń tóraǵasy Nurlan Aldabergenov málim etti, dep habarlaıdy QazAqparat.

Tóraǵanyń aıtýynsha, ótken jyly qabyldanǵan «Elektr energetıkasy týraly» zańǵa sáıkes, byltyrdan bastap birqatar óńirlerde elektr energııasynyń tutyný kólemi boıynsha saralanǵan tarıfter engizilgen. «Búgingi kúni elektr energııasyna saralanǵan tarıfter Almaty  men Astana qalalarynda, Shyǵys Qazaqstan, Qaraǵandy, Ońtústik Qazaqstan oblystarynda engizilgen. Aǵymdaǵy jyldyń sońyna deıin bundaı tarıfterdi engizý respýblıkamyzdyń barlyq óńirin qamtıtyn bolady. Jalpy osy ádisti engizýdiń tıimdiligi mol. Máselen, saralanǵan tarıfterdi engizý arqyly tutynýshylar Almaty qalasynda jylyna shamamen 240 mln. teńgeni, al Astana qalasynda  43 mln. teńgeni únemdeıtin bolady», dedi Agenttik tóraǵasy.

Onyń aıtýynsha, energııamen jabdyqtaýshy uıymdardyń táýlik beldemderi boıynsha jáne elektr energııasyn tutyný kólemine qaraı saralanǵan tarıfterdi qoldaný mindetteledi. Bul rette elektr energııasyna kúndizgi jáne túngi tarıfterdi qoldaný ótken jyldan bastap  qamtylǵan.  Sonyń nátıjesinde, kúndizgi jáne túngi tarıfterdi belsendi paıdalanǵan Almaty qalasynda jarty jyldyń ishinde 110 mln. teńgeniń qarajaty únemdelgen.