Jyl sońyna deıin «Bozoı-Beıneý» ýchaskesinde 311 shaqyrym qubyr salynady

ASTANA. QazAqparat - Jyl sońyna deıin «Bozoı-Beıneý» ýchaskesinde qashyqtyǵy 311 shaqyrym qubyr salynady. Bul týraly búgin Parlament Májilisindegi Úkimet saǵatynda QR Munaı jáne gaz mıınstri Uzaqbaı Qarabalın málim etti.

«Ótken jyly «Beıneý-Bozoı-Shymkent» gaz qubyrynyń birinshi kezeńi - «Bozoı-Shymkent» ýchaskesi iske qosyldy. Búgingi tańda kólemi jylyna 2,5 mlrd. tekshe metrge deıin jobalyq qýatyna qol jetkizildi. Odan ári kompressorlyq stansalar qurylysyn qosqanda gaz qubyrynyń qýatyn jylyna 10 mlrd. tekshe metrge deıin kezeń-kezeńimen ulǵaıtý josparlanǵan», - dedi mınıstr. Onyń atap ótýinshe, atalǵan jobany iske asyrýdyń nátıjesinde elimizdiń ońtústik aımaqtaryn gazben qamtamasyz etýge jáne 500-den asa eldi mekendi gazdandyrýǵa múmkinshilik bolmaq. «Aǵymdaǵy jyldyń sońyna deıin «Bozoı-Beıneý» ýchaskesinde qashyqtyǵy 311 qubyrdy salý aıaqtalatyn bolady. Al 2015 jyly Bozoı jáne Qaraózek atty kompressorlyq stansalardyń qurylysy aıaqtalyp, joba óz mejesine jetedi», - dedi U.Qarabalın.