Jyl sońyna deıin birqatar mınıstrlik tsıfrly servısterdi qoldanysqa engizedi
Memleket basshysynyń Memlekettik apparattyń qyzmetin bıýrokratııadan aryltý jónindegi Jarlyǵy men Saılaýaldy baǵdarlamasyn oryndaý aıasynda azamattardyń ómirin jeńildetip, bızneske qolaıly jaǵdaı jasaýǵa baǵyttalǵan tsıfrlyq servısterdi engizý boıynsha jumys jalǵasyp jatyr.
Máselen, Qorǵanys mınıstrliginiń áskerge shaqyrý boıynsha tirkeý naýqanyn proaktıvti formatqa aýystyrý jónindegi jobasy iske asyryldy. Bul azamattardy áskerı komıssarıattarǵa barý, medıtsınalyq kýálandyrýdan ótý jáne jeke is úshin qujat jınaý qajettiliginen bosatady. Sondaı-aq, shaqyrý ýchaskelerine tirkelý týraly kýálik alý qajet bolmaıdy. Derekter bazasyn ıntegratsııalaý el aýmaǵynda turǵylyqty jerdi ózgertýge baılanysty áskerı komıssarıatqa júginý qajettiginen bosatady.
Qarjy mınıstrligi shekaradaǵy ótkizý beketterinde elektrondy kezek júıesin engizdi, «E-Salyq Azamat» mobıldi qosymshasynda «jeke tulǵalar úshin kedendik deklaratsııalaý» qyzmeti iske qosyldy.
Ádilet mınıstrligi senimhat rásimdeýge jáne onlaın-formatta notarıýs keńesin alýǵa múmkindik beretin «E-notarıat» platformasyn sátti iske qosty.
Dıplomnyń túpnusqa ekenin tekserý maqsatynda Oqý-aǵartý mınıstrligi tehnıkalyq, kásiptik jáne orta bilimnen keıingi bilim týraly dıplomdarǵa QR-kodtar engizdi.
Keńes qorytyndysy boıynsha Ǵ. Qoıshybaev azamattardyń usynystary men eskertýlerin eskere otyryp, keıbir onlaın-servısterdi ári qaraı pysyqtaý qajettigin atap ótti. Oǵan qosa, salalyq mınıstrlikter jyl sońyna deıin birqatar tsıfrlyq servıs engizedi.
Jumystyń mańyzdylyǵyn eskere otyryp, Tótenshe jaǵdaılar mınıstrligine jedel aqparat alý úshin apattardy baqylaý jáne boljaý platformasyn iske qosý tapsyryldy.
Densaýlyq saqtaý mınıstrligi osy jyldyń sońyna deıin MÁMS protsesterin tsıfrlandyrý, eńbekke jaramsyzdyq paraǵynyń qaǵazdaǵy nusqasynan bas tartý, 075/ý formasyndaǵy anyqtamany tsıfrlyq formatqa kóshirý, skrınıngten ótý qajettigi týraly proaktıvti habarlap otyrý qyzmetin iske qosý, mekenjaı ózgergen kezde medıtsınalyq mekemege avtomatty túrde tirkeý qyzmetin engizý jáne t.b. boıynsha pılottyq rejımde jumys júrgizedi.
Ádilet mınıstrligi atqarýshylyq is júrgizý úshin mobıldi qosymsha ázirleýdi josparlap otyr.
Óz kezeginde Qarjy mınıstrligi salyq esebin qabyldaý formasyn jeńildetip, buǵattalǵan shottardy onlaın ashý boıynsha servısti iske qospaq.
Eńbek jáne halyqty áleýmettik qorǵaý mınıstrligi eńbek sharttaryn onlaın rejımde jasasý múmkindigin ázirlep jatyr.
Indýstrııa jáne ınfraqurylymdyq damý mınıstrligi halyqqa qyzmet kórsetý sapasyn arttyrý úshin kommýnaldyq qyzmetter kórsetý boıynsha biryńǵaı standarttarǵa kóshý máselesin pysyqtaıdy.
«Memleket basshysy bizdiń tásilderdi qoldady. Munymen toqtap qalmaı, ilgerileý kerek. Memlekettik qyzmetterdi tsıfrlandyrý, proaktıvti formattarǵa kóshý – Úkimet jumysyndaǵy basymdyqtarynyń biri. Árbir azamat tsıfrlandyrýdyń naqty áserin sezinýge tıis», - dedi Ǵ. Qoıshybaev.