Jyl sońyna deıin benzın baǵasy kóterilmeıdi - E. Dosaev
ASTANA. QazAqparat - Jyl sońyna deıin janar-jaǵarmaı baǵasynyń ósimin kútip otyrǵan joqpyz. Bul týraly búgin Ortalyq kommýnıkatsııalar qyzmetindegi brıfıngte QR Ulttyq ekonomıka mınıstri Erbolat Dosaev málim etti.
«Qazaqstan naryǵyn munaı ónimderimen qamtamasyz etý problemalaryna toqtalatyn bolsaq, búginde janar-jaǵarmaı tapshylyǵy jaǵdaıynan shyqtyq, sondaı-aq qyrkúıek aıyndaǵy ózgeristerden keıin bıyl onyń baǵasynyń ósimi qarastyrylyp otyrǵan joq»,-dedi mınıstr.
Budan bólek, vedomstvo basshysy ekonomıkalyq ólshemder máselesine de toqtaldy.
«2015-2017 jyldarǵa baılanysty parametrler ózgerýi múmkin. Búgindegi ahýaldy eske otyryp, eshkim de bir aılyq boljamdy naqty aıta almaıdy. Jaǵdaı kún saıyn ózgeriske ushyraýda. Biz 9 aıdyń qorytyndysyn kútip otyrmyz, osydan keıin tıisti sheshim qabyldaıtyn bolamyz»,-dedi Ulttyq ekonomıka mınıstri.
