Jyl sońyna deıin Astanada memlekettik baǵdarlama boıynsha taǵy 1 833 páter tapsyrylady
Qala basshysy N.Tilendıev dańǵylynyń ońtústiginde, Qorǵaljyn tas joly men Beısekova kóshesiniń qıylysynda, Beısekova men Syǵanaq kósheleriniń, Baıtursynov pen Jumabaev kósheleriniń, Imanov jáne Brýsılovskıı kósheleriniń qıylysynda ornalasqan kóppáterli turǵyn úı keshenderiniń jaǵdaılaryn tekseredi. Sonymen qatar, nysandardy aralaýǵa Astana qalasy ákiminiń orynbasary Sergeı Horoshýn, Almaty, Saryarqa jáne Esil aýdandarynyń ákimderi, Qurylys jáne Jolaýshylar kóligi jáne avtomobıl joldary basqarmalarynyń basshylary da qatysty.
"Búgin qala ákiminiń basshylyǵymen biz "Qoljetimdi baspana-2020" baǵdarlamasy boıynsha salynyp jatqan biraz nysandy araladyq. Bul baǵdarlama birneshe baǵyttan turady. Biz kezekte turǵandarǵa, jas otbasylarǵa, turǵynúıqurylysbanki salymshylaryna arnap úıler salýdamyz", - dedi óz sózinde qala ákiminiń orynbasary S. Horoshýn.
Aıta keteıik, Astanada «Qoljetimdi baspana-2020» baǵdarlamasyn júzege asyrý kezinde jalpy aýdany 84,06 myń sharshy metrdi quraıtyn 1 581 páterlik 7 turǵyn úı kesheni paıdalanýǵa berildi.
Jyl sońyna deıin jalpy aýdany 95,4 myń sharshy metrdi quraıtyn 1 833 páterlik 6 turǵyn úı kesheni tapsyrylady. Al 2015 jyly jalpy aýdany 108,4 myń sharshy metrdi quraıtyn 1 937 páterdi 10 kóppáterlik turǵyn úıdiń qurylysy jalǵasady.
Turǵyn úı qurylysyn damytý baǵdarlamasyn júzege asyrý aıasynda jalpy aýdany 367,3 myń sharshy metrlik 4 969 páter paıdalanýǵa berildi. Qazirgi kezde jalpy aýdany 265,94 myń sharshy metrlik 5 759 páterdiń qurylysy aıaqtaldy.
