Jyl sońyna deıin Astanada apatty jaǵdaıdaǵy turǵyn úılerde turatyn 180 otbasy jańa baspanaly bolady
ASTANA. 11 maýsym. QazAqparat - Jyl sońyna deıin Astanada apatty jaǵdaıdaǵy turǵyn úılerde turatyn 180 otbasy jańa baspanaǵa ıe bolady.
Bul týraly búgin «Qoljetimdi turǵyn úı - 2020» baǵdarlamasy boıynsha halyqqa arnalǵan turǵyn úıdi satý tetikteri» taqyrybyndaǵy «Ekspert» klýbynyń kezekti otyrysynda QR Óńirlik damý mınıstrligi, Sáýlet, qala qurylysy jáne qurylys departamenti, Qurylys jáne qarjy ınstıtýttarymen jumys basqarmasynyń basshysy Aqylbek Nasypov aıtty.
Onyń aıtýynsha, «Qoljetimdi baspana» baǵdarlamasynda apatty jaǵdaıdaǵy turǵyn úılerdiń máselesin sheshý joldary qarastyrylǵan.
«Astanada ákimdiktiń janynan «Elorda damý» JShS qurylǵan. Astanada 228 eski úıdi buzý josparlanǵan. Búginde apatty jaǵdaıdaǵy úılerde turyp jatqan adamdarǵa arnap 6 úıdiń qurylysy bastalǵan. Olar sol úılerge kóshiriletin bolady.Tórt úı salynyp biteıin dep qaldy. 180-ge jýyq otbasy baspanamen qamtylady dep kútilýde», - dep túsindirdi A. Nasypov.
