Jyl sońyna deıin Astanada aqyly kólik turaqtary paıda bolady
ASTANA. QazAqparat - Astananyń sol jaǵalaýynda Turan - Orynbor - Syǵanaq - Saraıshyq kósheleri aýmaǵynda kólik turaqtary aqyly bolady. Jobany jyldyń sońyna deıin júzege asyrý josparlanýda, dep habarlaıdy QazAqparat.
Bul týraly Astana qalalyq jolaýshylar kóligi basqarmasy «QazAqparat» tilshisiniń resmı saýalyna bergen jaýabynda aıtty.
«Oń jaǵalaýda Saryarqa - Respýblıka, Bógenbaı batyr - Jaǵalaý aýmaqtarynda aqyly turaqtar bolady», - delingen habarlamada. Sol jaǵalaýda tegin turaqtar qarastyrylmaǵan.
«Turaq oryndaryn basqarý» jobasyndaǵy aýmaqty tek jedel qyzmet kólikteri, «Halyq Qaharmany» jáne «Altyn qyran» ordenderiniń ıegerleri, múgedekterge tirkelgen kólikter, Uly Otan soǵysynyń ardagerleri, «Altyn alqa», «Kúmis alqa» tósbelgileriniń ıegerleri jáne «Batyr ana» ataǵyna ıe bolǵan analar, Semeı ıadrolyq polıgonyndaǵy synaqtar kezinde zardap shekken azamattar, Aýǵanstanda nemese áskerı qaqtyǵystar oryn alǵan ózge de memleketterde halyqaralyq boryshtaryn ótkergen jaýyngerler tegin paıdalana alady.
«Turaq janynda turatyn turǵyndar úshin jeńildikter qarastyrý josparlanýda», - dep atap ótiledi «QazAqparat» agenttigine berilgen habarlamada.
Aqyly turaq saǵatyna 150 teńge bolady dep boljanýda.
