Jyl sońyna deıin Astanada 55 jabyq jylytylatyn aıaldama ornatylady
ASTANA. QazAqparat - «Astana LRT» JShS habarlaýynsha, elordanyń jańa aıaldama keshenderi jylytylyp, qolıly jaǵdaılar jasalady. Jyl sońyna deıin Astanada jabyq, jylytylatyn, dárethanamen jabdyqtalǵan 55 jańa aıaldama ornatylady.
Bul týraly elorda ákimdiginiń resmı saıtynda habarlandy.
«Astana LRT» JShS basshylyǵynyń aıtýynsha, olar áleýmettik mańyzy bar nysandarǵa jaqyn ornalasady. Basqa aıaldama keshenderine keler bolsaq, olar 100 paıyz jańǵyrtylady.
Aıaldama pavılondaryn 12,5 sharshy metr jáne 20 sharshy metr bolatyn eki ólshemde salynbaq. Qys mezgilinde aıaldama temperatýrasyn baqylaý tetigi bar ınfraqyzyl jylytqyshtar saqtap turady. Budan bólek, barlyq aıaldamalar jalpyqalalyq biryńǵaı tirshilikpen keshendi qamtý júıesine qosylǵan beınebaqylaý kameralarymen jáne basqa da tetiktermen jabdyqtalady. Aıaldama keshenderiniń ishindegi aýa almasý tabıǵı jeldetý jolymen iske asyrylady.
Jabyq tıptegi barlyq nysandar dánekerlengen bolat qoraptardan jasalady, dep habarlaıdy «Astana LRT» JShS.
