Jyl sońyna deıin Astanada 33 balabaqsha iske qosylady - A.Balaeva
TANA. 30 qyrkúıek. QazAqparat /Gúlmıra Alıakparova/ - Eldiń bas qalasy - Astanada sońǵy úsh jylda mektepke deıingi balalar sany eki esege derlik artty.
Bul týraly búgin qalalyq máslıhattyń kezekti otyrysynda elorda ákiminiń orynbasary Aıda Balaeva málim etti.
Baldyrǵandardy mektepke deıingi bilimmen jáne tárbıemen qamtý máselesine toqtalǵan A.Balaeva, demografııalyq ósim men mıgratsııanyń arqasynda Astana qalasynda balalar sany udaıy artyp otyrǵanyn jáne bul qýantarlyq úrdis ekendigin atap ótti. Atap aıtsaq, 2008 jyly Astanada 58 myńnan astam bala bolsa, 2011 jyly olardyń sany 90 myńǵa jetti. Sol sııaqty mektepke deıingi 39 mekeme bolsa, bıyl olardyń sany 114 myńdy qurady.
«Balapan» baǵdarlamasynyń sheńberinde 2009 jyldyń jeltoqsanynan beri qaıtaryp alý, jańadan salý jáne jekemenshik balabaqshalarda memlekettik tapsyrysty ornalastyrý jáne shaǵyn-ortalyqtardy ashý arqyly 11 243 oryn quryldy. 2010 jylǵa deıin mektepke deıingi bilimmen qamtý deńgeıi 41,8 paıyz boldy, qazir bul kórsetkish 59,8 paıyzdy qurady. Úsh-alty jas aralyǵyndaǵy balalardy balabaqshalarmen qamtamasyz etý - 77 paıyz. Búgingi kúni jalpy kezekte turǵandardyń sany 46 839-dy qurap otyr», - dedi ol.
Búgingi ýaqytta 6 balabaqshanyń qurylysy aıaqtaldy, taǵy 7 balabaqsha (1800 orynǵa arnalǵan) men 4 japsyrma ǵımarattyń «360 oryn) qurylysy júrip jatyr.
«Jalpy alǵanda, jyl sońyna deıin ártúrli úlgidegi 33 mektepke deıingi mekeme iske qosylyp, qosymsha 9 myń oryn qurylady», - atap ótti A.Balaeva.
