Jyl sońyna deıin Astana aınalasyndaǵy «jasyl beldeý» aýmaǵyna 36 myńnan astam qylqan japyraqty aǵash otyrǵyzý josparlanýda

Onyń ishinde 6 myńy tamyr júıesi jabyq taldar Reseıden ákelinbek. Bul týraly búgin Aqmola oblysyna jasalǵanbaspasóz týry barysynda «Astana ormany» memlekettik kommýnaldyq sharýashylyǵynyń bas agronomy Ardaq Hasenov málim etti.

«Dástúrli túrde otyrǵyzylatyn aǵashtarǵa qaraǵanda, jabyq tamyrly ekpelerdi egý tásiliniń birqatar artyqshylyqtary bar», - deıdi A. Hasenov. «Tasymaldaý barysynda mundaı ekpelerdiń tamyrlary óziniń ylǵaldylyǵy men tutastyǵyn saqtap qalady. Sondyqtan olar jergilikti aımaqqa 100 paıyz jersinip, jaqsy beıimdeledi. Qaıta otyrǵyzý jáne tasymaldaý kezinde biz olardyń tamyr júıesin zaqymdaý táýekelinen arylamyz», - dep atap kórsetti ol.

Baspasóz týry barysynda aıtylǵanyndaı, tamyr júıesi jabyq ekpeler «Astana ormany» MKSh qyzmetkerleri arnaıy parnıktik sharýashylyqta ósirip shyqqan. Tuqym byltyr kúzde Germanııadan ákelingen. Kelesi jyly bizde jabyq tamyrly ekpe materıaldary bolady. Ázirshe «Astana ormany» mundaı ekpe taldaryn Reseıdiń Tenkov tálimbaǵynan alýda. Osyndaı jas aǵashtardyń árqaısysy sharýashylyq úshin 300 myń teńgege túsýde. Alaıda mundaı taldar óte jyldam ósedi jáne jergilikti jerlerge eshbir qıyndyqsyz jersinip ketedi. Mysaly búgin «Astana ormany» sharýashylyǵynyń mamandary «San Hýan» aǵashynyń ekpesin otyrǵyzýdyń ınnovatsııalyq ádisin tanystyrdy. Olar jylyna 30 santımetrge ósip, 150-200 jylǵa deıin ómir súredi.